करोडौको लगानीमा सिमरामा खुल्यो ‘द पावर जिम’, यस्तो छ ‘ओपेनिङ अफर’

ए वान डेस्क /

बाराको सिमरामा द पावर जिम सञ्चालनमा आएको छ । व्यवसायी तथा समाजसेवी धन लाल श्रेष्ठको लगानीमा जिम सञ्चालनमा आएको हो । एक करोड भन्दा बढिको लगानीमा सञ्चालनमा आएको जिमको एक कार्यक्रमकाबिच आईतबार उद्घाटन गरिएको छ ।

जिमको बारा क्षेत्र नम्बर ४ का प्रतिनिधिसभा सदस्य कृष्ण कुमार श्रेष्ठले उद्घाटन गर्नुभएको थियो । उद्घाटन कार्यक्रममा जीतपुरसिमरा उपमहानगरपालिका वडा नम्बर १० का वडा अध्यक्ष सञ्जय पटेल, पुर्व वडा अध्यक्ष अस्लम देवान, समाजसेवी संतोष कुशुवाहा लगायतको उपस्थिति रहेको थियो ।

जिमको उद्घाटन गर्दैै पुर्व मन्त्रीसमेत रहनुभएका श्रेष्ठले सफल्ताको कामना गर्नुभयो ।

यस्तो छ ‘ओपेनिङ अफर’

आईतबारबाट सञ्चालनमा आएको द पावर जिमले उद्घाटनको अवसरमा ‘ओपेनिङ अफर’ पनि ल्याएको छ । सञ्चालक धनलाल श्रेष्ठले तत्कालै नाम दर्ता गराउनेहरुको लागी १० दिनको लागी जिम प्रयोग फ्रि गरिएको बताउनुभयो ।

श्रेष्ठले हालको लागी मासिक २ हजार रुपैया शुल्क कायम गरिएको बताउनुभयो । यस्तै ३ महिना, ६ महिना र १ बर्षको पनि प्याकेज पनि सार्वजनिक गरिएको छ । जस अनुरुप ३ महिनाको प्याकेज शुल्क ५ हजार, ६ महिनाको १० हजार र १ बर्षको गर्दा ३ महिनाको छुट प्रदान गरिएको सञ्चालक श्रेष्ठले बताउनुभयो ।