टिकटक बनाउन खोलामा हामफालेका युवकको शव भेटियो

बारा प्रसौनी २ का २१ वर्षीय बिक्की गोसाईंको शव शुक्रबार बिहान फेला परेको छ ।

टिकटक भिडियो बनाउन भन्दै खोलामा हामफालेको बिक्की बेपत्ता भएको ६ दिनपछी बाराको फेटा गाउँपालिका १ त्रिवेणी खोलामा उनको शव भेटिएको हो ।

उनी असोज १९ गते बेपत्ता भएका थिए । टिकटक भिडियो बनाउन भन्दै अर्का एक युवकसंग गोसाईं प्रसौनी २ स्थित दुधौरा खोलामा हामफालेका थिए । अर्का युवक पौडेर निस्किएपनी गोसाईँ भने बेपत्ता भएपछी उनको खोजी भइरहेको थियो ।

युवकको शवलाई खोलाको बगरमा देखेपछी स्थानीयले प्रहरीलाई खबर गरेको बाराका प्रहरी प्रवक्ता एवम् प्रहरी नायब उपरीक्षक बिजयराज पण्डितले जानकारी दिए । उक्त शव गोसाईंको खुल्न आएको पण्डितले बताए ।