सेण्ट अल्फोन्सास् स्कुलमा अल्फोन्सियन कपको चौथो संस्करण प्रारम्भ
ए वान डेस्क
बाराको जीतपुरसिमरा उपमहानगरपालिका ४ औराहा स्थित सेण्ट अल्फोन्सास स्कुलको आयोजनामा अल्फोसियन कप विद्यालय फुटबलको चौथो संस्करण बुधबारबाट शुरु भएको छ ।
बारा, पर्सा र चितवन गरि ३ जिल्लाका १३ विद्यालय सहभागि रहेको प्रतियोगिताको एक कार्यक्रमका विच शिक्षा विकास तथा समन्वय ईकाई बाराका प्रमुख अशोक रौनियारले उद्घाटन गरेका थिए ।
विद्यालयकी प्रधानाध्यापक सिस्टर टेस्साको अध्यक्षतामा सम्पन्न प्रतियोगिता उद्घाटन समारोहमा मधेश प्रदेश फुटबल संघका कोषाध्यक्ष शम्भुसिंह ठकुरी, विद्यालय व्यवस्थाक सिस्टर दिपा, नेपाल स्काउटका राष्ट्रिय प्रशिक्षक गंगाप्रसाद मैनाली, श्री नेपाल राष्ट्रिय मावि सिमराका प्रधानाध्यापक शंकर आचार्य, औराहा माविका प्रधानाध्यापक लालबाबु साह, ब्राईटर एकेडेमी सिमराका प्रधानाध्यापक राजु कार्की लगायत विभिन्न विद्यालयका प्रतिनिधिहरुको उपस्थिती रहेको थियो ।
विद्यालयका शिक्षक श्याम दुतराजले सहजीकरण गर्नुभएको कार्यक्रममा विद्यालयमा नवगठीत स्काउट ट्रुपका विद्यार्थीको मार्चपास लगायत विद्यार्थीले सामुहीक संगीत तथा नृत्य समेत प्रस्तुत गरेका थिए ।
नवोदय स्कुल चितवन, सेण्ट पिटर्स स्कुल सिमरा, ब्राईटर एकेडेमी सिमरा, नेपाल राष्ट्रिय मा.वि. सिमरा, नेपाल राष्ट्रिय मौवादेवी मा.वि.डकाहा, नेपाल राष्ट्रिय मा.वि. औराहा, मुनलाईट इंगलिस स्कुल सिमरा, शुभतारा इंगलिस बोर्डिङ स्कुल औराहा, गौतम स्कृुल बीरगञ्ज, दिल्ली पब्लिक स्कुल बीरगञ्ज, लिटिल फ्लावर स्कुल परवानीपुर, एभरग्रीन एकेडेमी जीतपुर र आयोजक सेण्ट अल्फोन्सास स्कुल प्रतियोगितामा सहभागि छन् ।
प्रतियोगिता मंसिर १७ गतेसम्म सञ्चालन हुनेछ ।
ताजा खबर
