आज पृथ्वीजयन्ती तथा एकता दिवस

ए वान डेस्क
२७ पुष २०७४, बिहीबार ०८:३७

बिहीबार पृथ्वी जयन्ती तथा एकता दिवस। नेपालको एकीकरण गर्ने पृथ्वीनारायण शाहको सम्झना गरिँदैछ। तत्कालीन बाइसे–चौबीसे राज्यलाई समेटी एकीकृत नेपाल निर्माण गरेको श्रेय उनलाई छ। गोर्खाली राजा नरभूपाल शाह र रानी कौशल्यावतीका जेठा छोराका रूपमा वि.सं. १७७९ पुस २७ गते पृथ्वीनारायणको जन्म भएको थियो।

टुक्रे राज्यलाई समेट्ने क्रममा वि.सं. १८२५ मा इन्द्रजात्राका दिन आक्रमण गरी उनको फौजले काठमाडौंमाथि विजय प्राप्त गरेको थियो। यसपछि उनले एकीकृत नेपालको राजधानी काठमाडौंलाई बनाएका थिए। उनले सुरू गरेको एकिकरण अभियान छोरा बहादुर शाहको पालासम्म बढ्दै गएर नेपालको सिमाना पूर्वमा टिष्टा नदी, दक्षिणमा मगध र पश्चिममा सतलज नदीसम्म विस्तार भएको थियो। पछि नेपाल–अंग्रेज युद्धका क्रममा नेपाल अहिलेको क्षेत्रफलमा समेटिन पुग्यो।

वि.स. १८२५ माघे संक्रान्तिमा नुवाकोटको देवीघाट भन्ने स्थानमा ५२ वर्षको उमेरमा उनको निधन भएको थियो। २०६२ सम्म पृथ्वीनारायणको जन्मदिनलाई राष्ट्रिय एकता दिवसका रूपमा मनाउने गरिएको थियो। पृथ्वीजयन्तीका दिन दिइँदै आएको बिदा ०६३ सालमा भएको जनआन्दोलनपछि गठित सरकारले कटौती गरेको थियो।

यो वर्ष भने मन्त्रिपरिषद्ले निर्णय गरी पृथ्वीजयन्तीका अवसरमा बिदा दिइएको छ। ‘नेपाल दुई ढुंगाबीचको तरुल हो’, घूस लिने र दिने देशका महाशत्रु हुन् भन्ने आशयका पृथ्वीनारायणका कैयौं उद्गार आज पनि सान्दर्भिक मानिन्छन्।

यसमा तपाइको मत

Your email address will not be published. Required fields are marked *


*