तराई संघ सिमरा : नव निर्वाचित ‘पदाधिकारीहरु’ ले लिए सपथ

ए वान डेस्क /

तराई यातायात व्यवसायी संघ सिमराका नव निर्वाचित पदाधिकारीहरुले आज पद तथा गापनियताको सपथ ग्रहण गरेका छन् । कार्यालय परिषरमा आयोजित एक कार्यक्रमकाबिच उनीहरुले सपथ ग्रहण गरेका हुन् ।

उनीहरुलाई निर्वाचन कमिटिका संयोजक मुकुन्द ब. क्षेत्रीले सपथ खुवाएका थिए । सपथ ग्रहण कार्यक्रममा नेकपाका नेताहरु क्ष्ँेत्र ब. श्रेष्ठ अनिल, जयराम दाहाल, तराई यातायात व्यवसायी संघका निवर्तमान अध्यक्ष ओमकृष्ण कार्की, अध्यक्षका उम्मेदवार जगरनाथ प्रसाद कल्वार लगायतको उपस्थिति रहेको थियो ।

कार्यक्रमको सञ्चालन सञ्चालन प्रकाश लम्सालले गर्नुभएको थियो । ३ बर्षे कार्यकालका लागी शनिवार भएको निर्वाचनमा बरिष्ठ उपाध्यक्ष बाहेक शंकर बिष्टको प्यानल नै विजयी भएको थियो ।

सम्हाले कार्यभार

पद तथा गोपनियताको सपथ ग्रहण उनीहरुले आजैदेखि कार्यभार पनि सम्हालेका छन् । लगत्तै नव निर्वाचित पदाधिकारीलाई कर्मचारीहरुले स्वागत गरेका थिए ।