एमालेको १० औँ महाधिवेशन चितवनमा हुने, व्यवस्थापनको जिम्मा बादललाई
ए वान डेस्क४ कार्तिक २०७८, बिहीबार १९:४१
नेकपा एमालेको आगामी १० औँ महाधिवेशन चितवनमा हुने भएको छ ।
बिहीबार (आज) बसेको एमाले स्थायी कमिटी बैठकले पार्टीको १० औँ महाधिवेशन चितवनमा गर्ने निर्णय गरेको हो ।
नेकपा एमालेको १० औँ महाधिवेशन मंसिर १० गतेदेखि १२ गतेसम्म हुने तय भएको थियो । यद्यपी ठाउँको बारेमा भने आज मात्रै निर्णय भएको हो ।
यसअघि बुटवलमा महाधिवेशन गर्ने प्रस्ताव गरिएको थियो । तर आजको बैठकले चितवनमा गर्ने निश्चित गरेको हो ।
त्यस्तै बैठकले स्थायी कमिटी सदस्य रामबहादुर थापा बादलको नेतृत्वमा मुल ११ जनाको मूल व्यवस्थापन कमिटी गठन समेत गरिएको छ ।
ताजा खबर
